Oday iyo saddex Wiil oo uu dhalay, ayaa saxan weyn cunto loogu soo wada riday, si ay u wadaagaan 🍲🥣

Waa goor fiid ah oo, waxaa u shidan Faynuus agtooda yaalay 🕯️

Markii ay cashadii bilaabeen inay cunaan, ayaa waxaa u soo galay Orgi 🐐

Dabadeedna saxankii cuntada ayuu Orgigii isaguna dhiniciisa ka soo galay 🤣

Odaygii ayaa wiilashii mid la hadlay, oo ku yidhi “waar Orgiga innaga qabo…” 🤣

Wiilkii inta uu kacay, ayuu Qori ama Alwaax soo qabsaday, oo damcay inuu Orgiga ku dhufto, si uu debedda ugu saaro 🐐

Alwaaxii buu inankii la waayey dhowr jeer 🤣

Orgigiina kolba wuu u jaray ama goysmo ayuu bilaabay 🐐🤣

Wiilkii aakhirkii Alwaaxii buu Faynuuskii ku kala jebiyey, meeshiina mugdi bay noqotay 😂🤣

Orgigii iyo Wiilkii oo is eryanaya, ayaa Saxankii cuntada marba Isla dhinac mara 😂🤣

Odaygii inta uu u baqay saxankii cuntadu ku jirtay markani, oo uu ka xanaaqay wiilkani sida uu wax u wado, ayaa uu wiilashiisii kale la hadlay, oo ku yidhi “waar Wiilka innaga qabta!” 😂🤣

Markii hore waxay ahayd, waar Orgiga innaga qabta, kolkii ay xaajadii dhabaqdayna, waxay isu beddeshay “waar Wiilka innaga qabta!!!” 😂🤣

Waxa Qoray: Jamaal Cali Xuseen